Vizita e studentëve të fakultetit ekonomik të Suboticës - Paralelja në Bujanoc nëpër ndërmarrje, në Vranjë, Bujanoc dhe Preshevë

Vizita e organizuar e studentëve në ndërmarrjet prodhuese në Vranjë, Bujanoc dhe Preshevë ishte një turne shumë e dobishme dyditore, ku ju dha studentëve mundësinë për të parë nga afër procesin e prodhimit nga fillimi deri në fund të produktit përfundimtar për shitje në treg. Vizitat, nga studentët e vitit të katërt të Fakultetit Ekonomik të Suboticës në Bujanoc, janë përkrahur dhe sponsorizuar nga Misioni i OSBE-së në Serbi, zyra në Bujanoc.
Kompanitë e vizituara ishin: në Vranjë Alfa Plam dhe Donna Line, në Bujanoc Termopan dhe në Preshevë Wes Lime.
Kësaj vizite iu bashkuan 21 studentë dhe shpresojm që studentët të cilët nuk kanë mundur të bashkohen këtë herë mund të marrin pjesë në një aktivitet të ardhshëm.

Koordinatori i projektit Muhamet Saliji ( Master i diplomuar) tha:
“përfaqësuesit e kompanive që na prisnin ishin të shkëlqyer, ndihmues dhe për të gjitha pyetjet e studentëve ishin të gatshëm për t'iu përgjigjur. Ishte një përvojë e jashtëzakonshme e paharrueshme për studentët, falë OSBE-së në bashkëpunim me Fakultetin që mundësuan këtë vizitë studentore. Dhe veçanërisht kompanitë që na pritën për këtë aktivitet për herë të parë.”

Sedat Jakupi nga Parlamenti studentor shtoi: “Vizitat ishin tepër të bukura. Ishte një përvojë e mrekullueshme të shikoje prodhimin e produkteve nga fillimi në fund. Shpresoj se do të kemi vizita në të ardhmen dhe bashkëpunim me [OSBE-në]. Gjithçka ishte e mrekullueshme.”

Teodora Paunoviq tha: “Studentët e Fakultetit Ekonomik në Suboticë - Paralelja në Bujanoc nuk kanë pasur një mundësi të tillë deri më tani. Për ta, kjo ishte një eksperiencë e bukur që do të dëshironin ta përsërisnin dhe që do t'i afronte më shumë me procesin e biznesit të kompanisë. Si përfaqësues i Parlamentit Studentor të Departamentit në Bujanoc, dëshiroj të falënderoj OSBE-në në emër të tyre dhe për përfundimin me sukses të vizitave studentore në kompanitë në të tre qytetet nga vijnë shumica e studentëve. Shpresoj se do të ketë më shumë mundësi që do t'u ofrojnë studentëve tanë përvoja dhe njohuri të reja.”

Aleksandar Çuckoviq, prodekan i Fakultetit Ekonomik, tha: “Ne i jemi shumë mirënjohës misionit të OSBE-së në Serbi, veçanërisht z. Kiron Read, dhe, natyrisht, anëtarit të klubit tonë të të diplomuarve Muhamet Salihi që organizuan një vizitë në kompanitë vendore, sepse ne besojmë fuqimisht se të kemi mundësinë e punëdhënësve të mundshëm për të takuar studentët tanë dhe anasjelltas është synimi ynë kryesor krahas mësimdhënies. Duke qenë se fakulteti ynë planifikon të përfshihet më shumë në procesin e mësimit praktik, ne e përshëndesim këtë veprim, duke shpresuar që të jetë vetëm fillimi i kësaj mënyre të bashkëpunimit tonë të frytshëm.”

Radmilla Todosijeviq, Zyrtare e Koordinimit të Programit Kombëtar të Misionit të OSBE-së në Serbi tha – “Ne jemi të kënaqur që familja e OSBE-së kemi mbështetur një aktivitet tjetër të përbashkët me Fakultetin për të ndihmuar studentët e Departamentit Ekonomik të mësojnë më shumë rreth kompanive vendase dhe të rëndësishme bizneset rajonale mësojnë më shumë për të diplomuarit e mundshëm. Falënderoj kolegun tim Sherif Abdili për këtë ide.”

Fotot e bashkangjitura. Falenderojmë fotografin dhe të gjitha kompanitë që mirëpritën studentët për të vizituar: Alfa Plam; Donna Line; Termopan dhe Wes Lime.